Bilinguismuimparis.net

Circa in su giassu
Murera :: News

Murera. Sa stÚria

Murera. Sa stÚria

Murera est in d-unu logu geograficu tzerriau Sarrabus, custu nomini no si scidi ancora ita ‘olit nai, ma calincunu narat ca forsis ndi benit de “Scarcapos”, chi furiat unu centru de comerciu mannu de is Fenicius e agoa puru de is Romanus, atrus creint chi ndi bengat de “is Arabus” (gli Arabi) poita nci furiant stetias medas invasionis in custus logus.

Candu nd est arrutu s’imperu romanu Murera fiat pa(r)ti de su Renniu de Calari, fut unu de is cuatru stadus medievalis tzerriaus Giudicati, nasciu intras de su IX-X seculu.

In custu Renniu ddu furiant 16 curadorias guvernadas de unu curadori scioberau de su Rei, furiant  in Quirra, Sarrabus e Tolostrai. In Tolostrai traballant is campus e ddu furiant medas pastoris chi biviant gratzias a is primitzias de su mari. In sa curadoria Sarrabus nci furiant is comunus chi connosceus oi: Biddeputzi, Santu Idu e Murera e atras biddixeddas: Murahera, Petrera, Carruti e Sorrui. Su nomini Muravera forsis est formau de su fueddu mura – “mata e frutu de su moro gelso”, e vera “chi si podit papai”. De custas matas. si ndi agatant medas acanta de is Cresias de Sant’Anna e Santu Nicola.

In su XV seculu su Sarrabus sa biddixedda de Petrera (su nomini forsis ‘olit nai logu arricu de pedra) depiant pagai impari unu afoghigiu. Oi, Petrera est unu bixinau de Murera acanta de sa Cresia de Santa Luxia.

In custas biddixeddas teniant bestiamini, medas brabeis, traballànt su lori (cereali), is bingias e nci fiant meda binu po ddu bendi.

Sa villa de Carruti furiat acanta de Petrera e nci biviat meda genti e forsis prus puru de is atras duas biddixeddas.

Sa biddixedda de Sorrui a duus km de Murera s’agatàt innui oi nc’est sa Torre dei Dieci Cavalli cun is Crèsias de Santu Giuanni, Santu Giorgiu, Santa Maria e Santa Marta, cust’u(r)timas duus oi no nci funt prus. Nci iat meda genti perou intra de su XIV e de su XV seculu si ndi funt andaus totus. A s’acabu de su XIII seculu, in su 1256 Murera fut de is Visconti, chi furiant is Giudici de sa Gallura.

A pustis de sa dominatzioni pisana de su 1288 a su 1324, in su XV seculu is aragonesus si furiant postus meris de sa bidda, issus imperant su regimi feudali e Murera fut donada in feudo a is Carroz.

Agoa is meris furiant cussus de su feudu de is Centelles e po u(r)timus de is Osorio fincias a s’acabu de su feudu in su 1839.

In custu annu su Sarrabus fut pratziu in tzonas comunalis. In cussu tempus Murera fut sa bidda prus manna de su Sarrabus e fiat pa(r)ti de sa pròvincia de Lanusè. In calincunu paperi antigu si ligit chi passaus tres annus Murera fut ancora sa prus manna de su Sarrabus ma de tandu fut in sa pròvincia de Casteddu.

lunis, su 24 mesi de ladàmini 2011 - Murera - Imprenta