Bilinguismuimparis.net

Circa in su giassu
Brucei :: News

Brucei. Libru a pitzus de is cantadoris de sa bidda

Brucei. Libru a pitzus de is cantadoris de sa bidda

Tradizioni popolari ed espressioni di fede nei canti poetici burceresi

Ddi nant aici a su libru chi est bessiu in su 2007 e chi ancoras arresurtat sa mellus arregorta de sa poesia sarda de is bruceresus. Su traballu pinnigat is obras, de dònnia calidadi (poesias, versadas, cantadas, mutetus, trallaleras) de prus de dexi poetas bruceresus, chi funt Angelu Monni, Cèsari Monni, Costanti Monni, Luisu Melis, Santinu Melis, Sarbadori Piras, Pascali Sanna, Arrafieli Urru, Danti Zuncheddu, Arrobertu Zuncheddu e Sarbadori Zuncheddu. Sa parti prus manna est po issu, cun is primus poesias suas de su 1973 finsas a su 2005.

De atrus si ndi agatant prus antigas puru, finsas de su 1964. Nd'est bessiu unu libru de prus de 300 pàginas, tenit a su cumentzu una bella parti stòriga de Càralu Pillai, chi fait su contu de is cantadoris bruceresus prus famaus, ma iat a essi serbia, po dònnia autori, in prus de sa parti de antologia, una scheda biogràfica, mancai pitica, po podi connosci s'autori e cumprendi s'arti sua.


Sa circa dd'at fata sa sotziedadi Sarditinera e su libru ddu at imprentau Grafica del Parteolla.

giòbia, su 08 cabudanni 2011 - Brucei - Imprenta