Bilinguismuimparis.net

Circa in su giassu
Sìnnia :: News

Sėnnia. Ainas e Fainas. Rassegna etno-turistca e culturale

Sėnnia. Ainas e Fainas. Rassegna etno-turistca e culturale

De su 28 de mesi de ladàmini a su primu de donniasantu ant torrau a fai in Sìnnia Ainas e Fainas, sa festa de sa curtura sarda. Dd'ant fata in sa Domu de Sòtgiu, in bia de Funtana Lada, una domu campidanesa bella meda innui ddoi fiat fintzas sa "Fiera del Cestino", chi dd'at apariciada su Gruppo Folk Sinnai e chi est lòmpia oramai a su de bintixincu annus, unu bàntidu mannu po is artisanas-artistas de Sìnnia.
A intrus de sa domu is abisitadoris ant pòtziu biri is ainas de sa messaria, sa mòbilia e s'arroba de domu, sa cosa de sa vida de dònnia dii e in prus is bistiris sardus e is prendas sardas de Luisu Frigau.
Gràtzias a s'agiudu de sa Pro Loco e de atrus assòtzius de Sìnnia is abisitadoris ant fatu cumenti unu biaxu in d-unu mundu chi po genti meda podit essi pagu connotu, cun versadas e cantadas, poesias, cantus e baddus sinniesus, traballu de strexu de fenu, traballu cun su lati, cosa de papai e durcis de su connotu.
In prus, in Pratza de Santu Sidoru at fatu a biri cumenti ferrant is cuaddus e su "batiari de sa sedda".
Est stètiu unu bellu atòbiu po bivi impari, e no po ddu castiai sceti, su connotu de sa curtura nosta.

Po ndi sciri de prus podeis biri fintzas su manifestu in .pdf.

mèrcuris, su 02 donniasantu 2011 - Sìnnia - Imprenta