Bilinguismuimparis.net

Circa in su giassu
Sìnnia :: News

Sìnnia. In s'Universidadi de sa de Tres edadi annu acadèmicu nou

Sìnnia. In s'Universidadi de sa de Tres edadi annu acadèmicu nou

S'Universidadi de sa de Tres edadi est de annus una grandu arrialidadi in Sìnnia. Unu momentu culturali de importu po is òminis e is fèminas de àteras biddas puru. Imoi funt pensendi a s'annu acadèmicu nou. In is diis passadas ant cumentzau is assentaduras po pigai parti a is letzionis. Nci ant a essi cursus de ingresu (po is chi funt cumentzendi e po is chi ndi scint unu pagu giai), frantzesu, spanniolu e sardu. Ma atividadi motòria puru (duas bortas a sa cida), stòria de s'arti, stòria de Sìnnia. In su programa nci funt puru laboratòrius de strexu de terra, decoupage, cofinus, filet, arranda e pipias de tzàpulus. Nci ant a essi bessidas, cunferèntzias e su cineforum. Po ndi sciri de prus fait a andai a sa biblioteca de su Comunu, su lunis, su mèrcuris e sa cenàbara de is 10 a is 10 e de is 17 a is 19; su martis e sa giòbia de is 10 a is 12.

Artìculu de Antonio Serreli, pigau e tradùsiu de L'Unione Sarda de sàbudu su 29 de su mesi de cabudanni.

sàbudu, su 29 cabudanni 2012 - Sìnnia - Imprenta