Bilinguismuimparis.net

Circa in su giassu
Sìnnia :: News

Sėnnia. S'edilėtzia est acanta de ndi arrui

Sėnnia. S'edilėtzia est acanta de ndi arrui

Sa sìndiga: teneus abisòngiu de is consillus de totus. Ma seu otimista

Calincunu est narendi chi nci funt trexentu domus noas chi no ddas ant bèndias ancoras. Calincun'àteru chi funt duxentu. Unu nùmeru chi si depit fai timi chi si fait biri sa crisi de s'edilìtzia in sa bidda de Sìnnia. Nci funt siendas chi ant serrau abetendi tempus mellus. Calincunu est sighendi, agoa de nci essi bogau s'imprus de is impreaus. Una crisi chi s'est spainendi e chi est faendi dannu no sceti cun is traballadoris, ma totu su chi est aingìriu de s'edilìtzia puru, est a nai is maistus de linna, is siendas de su màrmuri, is butegas chi bendint su materiali imperaus in s'edilìtzia. In Sìnnia puru est acontessendi custu. Is meris de sienda cun domus chi no arrennescint a bendi e is afoghìgius chi bolint pagaus mancai totu. Una situatzioni chi si fait impensamentai a totus chi est craru chi est pighendi totu is biddas acanta de Casteddu. Est traballosu a nai candu at a passai. Mancai su prètziu de is domus est calau, est traballosu a agatai genti chi bollant comporai. Prus chi totu in su bixinau de s'opinàrgiu nci funt domus e domixeddas chena de meri. Medas chi fait a biri puru su gurfu de Casteddu. Unu panorama spantosu. Ma nci ndi funt in àterus logus de cu cumentzu de bidda puru e in mesu de sa bidda. Su balori est de 140 milla finsas a 230 milla èurus.
Nci funt medas lotisaduras imoi: is progetus funt in su Comunu abetendi de essi aprovaus. Su tempus abetendi est tropu longu, cun d-una burocratzia chi no agiudat a torrai a abiatzai s'edilìtzia. De is lotisaduras iant podi arribai arresorsas noas. Un'arma in prus po circai de passai sa crisi e po donai traballu. Is meris de sienda funt strumbullendi po smenguai is afoghìgius e funt donendi un'allarmi disisperau. Ma est abarrendi totu firmu. In sa Domu Comunali ant cunvocau un'atòbiu intra is aministradoris comunalis, meris de sienda e genti chi iat a bolli bessiri meri de sienda. Ant a amostai is maneras chi iant a podi essi utilosas. "Tengu cunfiantza", narat sa sìndiga Barbara Pusceddu. "Sa tenta nosta e chena duda peruna sa de essi acanta a is chi traballant e faint traballai is àterus. Boleus consillus puru: custu atòbiu at a serbiri puru po intendi sa boxi de is protagonistas de propostas cun fundamentas bonas".

Artìculu de Antonio Serreli, pigau e tradùsiu de s'Unione Sarda de martis su 12 de su mesi de cabudanni.

giòbia, su 13 cabudanni 2012 - Sìnnia - Imprenta