Bilinguismuimparis.net

Circa in su giassu
Sìnnia :: News

Sėnnia. Agiudus po is siendas

Sėnnia. Agiudus po is siendas

Su Comunu est prontu a aprovai s'arregulàriu po smenguai is afoghìgius de is atividadis

Acòrdiu cun s'Arregioni e Sfirs po finantziai siendas noas

Su Comunu de Sìnnia est circhendi siendas noas e sienderis nous chi potzant essi unu strumbullu po sa crèscida e svilupu econòmicu e produsidori de su territòriu. Sa tenta est sa de pesai is sinergias giustas intra de su Comunu e is obradoris econòmicus. S'abertura de su bandu arregionali apitzu de is progetus obradoris per is siendas comunalis (Poic) iant a podi essi s'acasu giustu po programai e abiatzai s'economia de su logu. "A is meris de sienda o is chi ddu bolint essi – narat sa sìndiga Barbara Pusceddu – pedeus de traballai impari a nosu po sterri, prus a chitzi chi fait e totus impari, unu pranu de initziativas de sienda de presentai a s'Arregioni. Sa parti nosta at a essi sa de nai ca eja e debressi a un'arregulàriu po smenguai is afoghìgius comunalis po chi bessant prus pagu grais po is siendas noas". De unus cantu diis giai is chi ndi tenint interessu podint pigai informus apitzu de custa chistioni in su giassu de su Comunu. "Est de importu – narat s'assessori a su Svilupu Econòmicu, Pino Floris – chi is meris de sienda intrint in su giassu e prenant su preguntàriu fatu de s'ofìtziu "Poic", po si permiti de fai bessiri su progetu prus mannu chi fait. At a fai a pigai finantziamentus finsas a 50 milla èurus, chi fait a ddus torrai in 60 mesis chena interessus".
"In su mesi de argiolas – s'arregordat sa sìndiga Pusceddu – sa Giunta mia at deliberau apitzu de su Pranu integrau po sustenni su svilupu econòmicu, su traballu e agiudai is pòburus, stabilessendi is apretus e is strategias po acarai custu momentu de crisi".

Artìculu de Antonio Serreli, pigau e tradùsiu de s'Unione Sarda de martis su 11 de su mesi de cabudanni

giòbia, su 13 cabudanni 2012 - Sìnnia - Imprenta