Bilinguismuimparis.net

Circa in su giassu
Sìnnia :: News

Sėnnia. Una amosta in Solanas

Sėnnia. Una amosta in Solanas

Finsas a su 2 de cabudanni initziativas in su Tzentru de educatzioni ambientali

Una amosta in Solanas

In su programa laboratòrius, bessidas e seminàrius puru

Finsas a su 2 de cabudanni, in su Tzentru de educatzioni ambientali de Solanas, logu turìsticu in su Comunu de Sìnnia, fait a biri s'amosta Acqua dolce e salata (àcua durci e salia). In su programa nci funt àteras cosas puru. Po su 25 de mesi de austu nci est unu seminàriu apitzu de s'àcua in sa stòria e po su primu de cabudanni una bessida sighendi is arrastus de su cerbu. Su lunis ant a fai laboratòrius de educatzioni ambientali, su mèrcuris de cofinus e sa cenàbara de archiologia. Su domìnigu at a fai a tastai cosa de papai sarda. S'initziativa est de s'assessorau comunali a sa Cultura, de su Museu tzìvicu e de sa coperativa Bios, impari a su Sub Sinnai, Archistòria, Gruppo folk e Sarda ambiente.

 

Is dotoris de familla. In su matessi tempus, sèmpiri in Solanas, su Comunu de Sìnnia est sighendi su traballu po donai is dotoris de familla e is pediatras de de sceberu lìberu in is aposentus suus in sa bia Santa Barbara. Funt is aposentus de sa guàrdia mèdica turìstica po s'istadi. Is dotoris genèricus e is pediatras de sceberu lìberu cunventzionaus cun sa ASL de Casteddu chi tenint arrechisitus determinaus chi fait a ddus agatai in su giassu internet de su Comunu. Intra de is àteras cosas at a tocai a assegurai de aberri s'ambulatòriu a su mancu duas bortas a sa cida. Is domandas a su Comunu tocat a ddas intregai finsas a su 27 de austu. S'initziativa bolit assegurai sa presèntzia de unu dotori a totu annu, mancai, no totu is diis.

Artìculu de Antonio Serreli, pigau e tradùsiu de s'Unione Sarda de martis su 21 de su mesi de austu.

giòbia, su 23 austu 2012 - Sìnnia - Imprenta