Bilinguismuimparis.net

Circa in su giassu
Sìnnia :: News

Sėnnia. Sa fiera de su scarteddu andat a Solanas

Sėnnia. Sa fiera de su scarteddu andat a Solanas

De Sìnnia sa Fiera de su scarteddu si movit a Solanas. S'amosta, chi fait biri is traballus tìpicus de s'artisanau sinniesu fatus de giuncu e fenu de manus spertas, fait a ddu abisitai dònnia dii finsas a su 14 de mesi de austu in is aposentus de su Tzentru de educatzioni ambientali. Is oràrius funt: de is 18.00 a is 22.00.

In su pròpiu Tzentru, in is pròpius oràrius, finsas a su 2 de cabudanni fait a biri s'amosta "àcua durci e salia", ma nci funt àteras cosas puru: sàbudu ant a ghetai màginis in su mari, su 18 ant a castiai is steddas, su 25 austu unu seminàriu apitzu de s'àcua in sa stòria e su primu de cabudanni una bessida po agatai is arrastus de su cerbu. Dònnia lunis nci funt traballadòrgius de educatzioni ambientali, su mèrcuris is de scarteddus e sa cenàbara de archiologia. Su domìnigu fait a tastai cosa de papai tìpica. S'initziativa est cun s'incuru de s'assessorau comunali a sa Cultura, de su Museu tzìvicu e de sa Cooperativa Bios, impari a Sub Sinnai, Archistoria, Gruppo folk e Sarda ambiente.

 

Artìculu de Antonio Serreli, pigau e tradùsiu de s'Unione Sarda de mèrcuris su 8 de su mesi de austu.

giòbia, su 09 austu 2012 - Sìnnia - Imprenta