Bilinguismuimparis.net

Circa in su giassu
Sìnnia :: News

Sėnnia. In Solanas torrant a aberri sa potecaria po s'istadi

Sėnnia. In Solanas torrant a aberri sa potecaria po s'istadi

Aberit in Solanas sa potecaria. Ddu at detzìdiu sa Giunta comunali de Sìnnia a totòmini, apustis de su "eja" de si diretori de su serbìtziu de sa meixina de fundòriu e de s'assistèntzia de is potecarias de s'Assessorau arregionali a sa Sanidadi. Sa potecaria dda at a sighiri su potecàriu de sa potecaria nùmeru unu de Sìnnia finsas a su 30 de su mesi de cabudanni. At a essi in via del mare, in d-unu aposentu chi est meri su Comunu e chi ddu at a apesonai po un'annu.

Po is turistis e is chi funt faendi is bagàntzias est unu serbìtziu chi arrechedit. In su mentras, in Sìnnia, iat a depi aberri a chitzi sa de cuàturu potecarias: po imoi sa bidda, cun 17 milla sinniesus, ndi tenit tres: in via Fara, in via Trieste e in via della pineta (aberta de unus duus annus e chi donat unu serbìtziu a su bixinau mannu nàsciu acanta de s'opinàrgiu). Sa de cuàturu iat a depi aberri in su bixinau nou de Sant'Elia po serbiri totu sa genti chi funt andendi a bivi a ingunis. Su meri de custa potecaria at a essi su Comunu. Ma a oi, no fait a nai candu at a aberri.


Artìculu pigau e tradùsiu de s'Unione Sarda de martis su 3 de su mesi de argiolas.

martis, su 03 mesi de argiolas 2012 - Sìnnia - Imprenta