Bilinguismuimparis.net

Circa in su giassu
Sìnnia :: News

Śnnia. Stage de acabussu apoderendi s'àiri cun Pelizzari

Śnnia. Stage de acabussu apoderendi s'àiri cun Pelizzari

Giòbia arribat a Sìnnia Umberto Pelizzari, chi est stètiu unu campioni mundiali medas bortas de acabussu apoderendi s'àiri. At a pigai parti a is 18.30 in d-unu cumbènniu in s'aposentu de su Consillu de su Comunu e finsas a domìnigu at a fai stage de acabussu in su mari de Sa Turri de su Fenugu e in su mari de Solanas. Nci ant a essi puru is scientis de su "Sub Sinnai" e de àteras partis de Sardìnnia chi ant a tenni a maistu unu de is prus famaus de su mundu de acabussu apoderendi s'àiri. "Intra de is àteras cosas – narat Roberto Demontis, assessori a su sport de su Comunu de Sìnnia – Pelizzari at a acabussai finsas a 45 metrus asuta de su pillu de s'àcua po arribai a sa navi "Romagna", afundada in su gurfu de Sa Turri de su Fenugu in sa segundu gherra mundiali. Una ocasioni chi capassu no at a acontessi prus po acabussai cun su campioni". Totu custu ddu aparìciant su Club sub Sinnai e s'Aministratzioni comunali.


Artìculu pigau e tradùsiu de s'Unione Sarda de lunis su 18 de su mesi de làmpadas.

martis, su 19 làmpadas 2012 - Sìnnia - Imprenta